बैशाख २२ । बर्मुडामा जारी आइसीसी विश्व क्रिकेट लिग डिभिजन ३ को फाइनलमा आज नेपालले युगाण्डाको सामना गर्दैछ । खेल बेलुका सवा सात बजे ह्यामिल्टनस्थित राष्ट्रिय रंगशालामा हुनेछ । हिजो इटालीलाई पराजित गरेसँगै डिभिजन २ मा प्रवेश र विश्वकप छनौट खेल खेल्ने पक्का गरेको नेपाली टिम आज उच्च मनोबलको साथ मैदान उत्रनेछ ।
प्रतियोगिताको आफ्नो दोस्रो खेलमा युगाण्डासँगै ६ विकेटको नमिठो पराजय ब्यहोरेको नेपाली टिम आज त्यो हार बिर्साउने रणनीतिमा हुनेछ । यसअघि गयराती नेपालले इटालीलाई ८ विकेटले हरायो । समूह चरणको आफ्नो अन्तिम खेलमा नेपालले इटालीमाथि सानदार जित दर्ता गरेको हो । जितको लागि पाएको १२८ रनको झिनो विजय लक्ष्य नेपालले १४ दशमलव ३ ओभरमा २ विकेट गुमाउदै पुरा गर्यो ।
0 comments:
Post a Comment