सशस्त्र प्रहरी र नेपाल प्रहरीबीच कुटाकुट
07:56 Posted by npnews
भन्सार पोष्टमा तैनाथ एक प्रहरी जवानका अनुसार १५ जना सशस्त्र प्रहरी पोष्ट भित्र प्रवेश गरी एसएलआर तेर्स्याएर ती व्यापारीलाई तुरुन्त छोड्न चेतावनी दिएको तथा अन्य सशस्त्रका जवानहरु हामीलाई कुट्न कार्यालय परीसरमा राखिएको इँटा समेत उठाएका थिए । यो घटना भइँरहदा सर्वसाधारणको भीड बढेपछि सशस्त्र प्रहरी त्यहाँबाट आफना पोष्ट तिर लागेको ती प्रहरी जवानले बताए।
भन्सार सुरक्षा गार्डको नियन्त्रणमा रहेका व्यापारी ठाकुरले गौर रामअयोध्या जसवालको पसलबाट १४० मिटर खानेपानीको पाइप किनेर वैरगनिया तर्फ जान लागेको बताउँदै सशस्त्र प्रहरीलाई मिलाएर जान लागेको बताए।
सशस्त्र प्रहरीको कुटपिटबाट जवानद्धय सिह र कुर्मीलाई सामान्य चोट लागेको छ। यस विषयमा प्रहरी उपरिक्षक गोविन्दराम परियारले यहाँ कुनै घटना नै नभएको दाबी गरेका छन्।
विवाद चर्किएपछि नेपाल प्रहरीले पाइपसहित भारतीय नागरिक ठाकुरलाई नियन्त्रणमा लिएर राखेको छ। जिल्ला सुरक्षा समितीको बैठक बसिरहेकै बेला भन्सार नाकामा दुइवटा सुरक्षा अंगका सुरक्षाकर्मीबीच कुटाकुट भएको हो। घटनाबारे सशस्त्र प्रहरीका एसपी प्रेमराज पोखरेलले नेपाल प्रहरीका जवान पोशाकमा नभएकाले नचिनेर भनाभन मात्र भएको तर कुटाकुट नभएको दाबी गरेका छन्।
0 comments:
Post a Comment