अरिङ्गालको गोलो पोल्न जाँदा रुखबाट लडेर मृत्यु !!

मंसिर १६ । दमौलीको मुसेखोलामा अरिङ्गालको गोलो पोल्न जाँदा एक युवकको रुखबाट लडेर मृत्यु भएको छ । व्यास नगरपालिका– १ मुसेखोलामा शुक्रबार राति ९ बजे अरिङ्गाल पोल्न गएका सोही ठाउँका २० वर्षीय दीपक मगर रुखबाट लडेर गम्भीर घाइते भएपछि दमौली अस्पतालमा उपचार हुँदाहुँदै उनको मृत्यु भएको जिल्ला प्रहरी कार्यालयले जनाएको छ । गत वर्ष पनि तनहुँको घाँसीकुवा गाविसमा कालो अरिङ्गाल पोल्न जाँदा रुखबाट लडेर २ जनाको मृत्यु भएको थियो ।