सुरजले पिट्थे गर्भवती भएपछि बलिउड नायिका जीया खानले अप्रेशन गरि आत्महत्या

एजेन्सी बलिउड नायिका जीया खानले आत्महत्या गरेपछि यसले चर्चासँगै विभिन्न प्रश्न पनि उठाएको छ । आखिर २५ बर्षको उमेरमै आत्महत्या गर्नुपर्ने कारण के थियो त जीयालाई, यस्तै प्रश्न सिर्जना भएका छन् ।यस बिषयमा प्रहरीले पनि अनुसन्धान तिब्र पारिरहेको छ । प्रहरीले गरेको सोधपुछका आधारमा जीयाका प्रेमी सुरज पंचोलीले विभिन्न खालको बयान दिएका छन् ।  

सुरजले जीयालाई विभिन्न समयमा पिटेको स्विकार गरेका छन् । गोवामा ८ महिना अघि सँगै पुग्दा जीयालाई सुरजले पिटेका थिए । प्रेमीको हातबाट पिटाइ खाएपछि जीयाले आफ्नो हातको नशा समेत काटेकी थिइन् । सुरजको यो बयानसँगै प्रहरीले उनलाई धारा ४९८ लगाएको छ । जसमा पति या कुनै आफन्तले पिटेको खण्डमा कानुन बमोजिम कारबाही हुने उल्लेख गरिएको छ ।

खबर यो पनि छ कि जीयाले एक अस्पतालमा आफ्नो अप्रेशन पनि गराएकी थिइन् । जुहुको एक अस्पतालमा जीयाले गर्भपतन गराएको बताइएको छ । जीयालाई डाक्टरले प्रेग्नेन्सी पिल्सको सहायताले गर्भपतन नगराई अप्रेशन गरेका थिए । प्रहरीले उक्त अप्रेशनमा सहभागी सबैलाई नोटिस पठाएको छ ।

आत्महत्या गर्नु अघि जियाले ६ पाना लामो सुसाइड नोट पनि लेखेकी थिइन् ।