अमेरिकामा गोली चल्यो, १९ घाइते
३० बैशाख, एजेन्सी । विगत केही समयदेखी अमरिका तनावपूर्ण स्थितिबाट गुज्रिरहेको छ । विश्वको प्रमुख शक्ति राष्ट्रमा पछील्लो समयमा बेला-बेलामा हुने घटनाहरुले अमेरिकालाई पनि युद्ध क्षेत्रमा परिणत गर्छ की भन्ने शंका थपिँदै गएको छ ।
यसैबिच अमेरिकाको दक्षिणपूर्वी क्षेत्र ओरलिन्समा आमा दिवसको अवसरमा भएको एक कार्यक्रममा गोली चल्दा १९ जना घाइते भएका छन् । आइतबार दिउँसो चलेको गोली लागी १० वर्षका दुई बालबालिका र १० जना युवा घाइते भएका छन् । सबै घाइतेहरूको अवस्था सामान्य रहेको अमेरिकी अधिकारीहरूले जनाएका छन् ।
गोली प्रहारबाट घाइते भएका एक महिला र एक पुरूषको शल्यक्रिया गरिएपनि उनीहरुको अवस्था सामान्य रहेको बताइएको छ । अधिकारीहरूका अनुसार उक्त गोली प्रहार आतंकवादी हमला भने नभएको जनाएको छ ।
यो भन्दा केही समय अगाडि बोस्टनको म्याराथुनमा भएको बम विस्फोटमा ३ जनाको ज्यान गएको छ भने २ सय ६० भन्दा बढी मानिसको घाइते भएका थिए । त्यो भन्दा अगाडि पनि केही यस्तै गोली प्रहारका घटनाहरू भइरहेका थिए ।
0 comments:
Post a Comment